ہری پور کی تحصیل غازی اور تحصیل خان پور میں بارش کیساتھ تیز ہواوں، طوفان اور آسمانی بجلی گرنے کے مختلف کے واقعات نے تباہی مچادی ،حادثات میں ایک شہری جاں بحق ہو گیا جبکہ بچوں اور خواتین سمیت کئی زخمی ہو گئے، اس دوران درخت اور بجلی کے کھمبے گر گئے ۔
ہری پور: تیز ہواوں اور تیز بارشوں کے سبب کئی جگہوں پر گھروں کی دیواریں گر گئیں، ایک شخص جاں بحق ہو گیا اور کئی خواتین اور بچے زخمی ہو گئے،آندھی اور کے دوران غازی اور خان پور میں کئی مقامات پر دیواریں گرنے کے واقعات رپورٹ ہوئے ۔
ان حادثات میں ایک شخص جاں بحق خواتین اور بچوں سمیت چار افراد زخمی ہوئے ہیں، تیز ہواوں اور بارش سے مختلف علاقوں میں بجلی کے پول اور درخت گرنے کے واقعات بھی ہوئے ۔
ہری پور شہر اور درجنوں دیہات کی بجلی منقطع ہو گئی، ہزارہ موٹر وے اور جی ٹی روڈ کے مختلف مقامات پر درخت گرنے سے ٹریفک معطل رہا تاہم سڑکوں پر کوئی خطرناک حادثہ رپورٹ نہیں ہوا ۔
ضلعی انتظامیہ اور ریسکیو ٹیموں نے متاثرہ شہریوں کی مدد کرنے کے لئے آپریشنز کا آغاز کر دیا ہے ۔
