اسلام آباد: وزارتِ آئی ٹی اور میٹا کے تعاون سے چھوٹے اور درمیانے درجے کے کاروباری اداروں کے لیے ’’سمال بزنس گروتھ اکیڈمی‘‘ کا باقاعدہ آغاز کر دیا گیا ہے۔
پروگرام کے تحت ملک بھر کے ایک ہزار سے زائد ایس ایم ایز کو ڈیجیٹل اور مصنوعی ذہانت کے جدید ٹولز سے متعلق مفت تربیت فراہم کی جائے گی۔
تربیتی عمل میں خواتین کے زیرِ انتظام چلنے والے کاروباری اداروں اور صنعت کاروں کو خصوصی ترجیح دی جائے گی تاکہ وہ اپنی مصنوعات عالمی سطح پر فروخت کر سکیں۔
شرکاء کو فیس بک، انسٹاگرام، واٹس ایپ بزنس، ڈیجیٹل مارکیٹنگ اور اے آئی کی مدد سے معیاری مواد کی تیاری کے عملی طریقے سکھائے جائیں گے.
اس طریقہ کار سے کاروباری نمو اور پیداواری صلاحیت میں اضافہ ممکن ہوگا۔
پروگرام میں رجسٹریشن کا عمل شروع ہو چکا ہے جب کہ تربیتی سیشنز رواں سال ستمبر سے شروع ہوں گے۔
