چیف سیکرٹری خیبرپختونخوا شہاب علی شاہ نے شندور پولو فیسٹیول کی تمام تیاریوں کو جلد از جلد حتمی شکل دینے کی ہدایت کرتے ہوئے کہا ہے کہ شندور پولو فیسٹیول 11 سے 13 جون تک شندور پولو گراؤنڈ میں منعقد ہوگا ۔
پشاور: شندور پولو فیسٹیول کے انعقاد سے متعلق اعلیٰ سطح کا اجلاس ہوا اجلاس میں خیبرپختونخوا کلچر اینڈ ٹورازم اتھارٹی کی جانب سے فیسٹیول کی تیاریوں پر تفصیلی بریفنگ دی گئی ۔
چیف سیکرٹری نے ہدایت کی کہ تمام ادارے باہمی رابطہ اور کوآرڈینیشن کو مزید مؤثر بنائیں، جبکہ رابطہ سڑکوں پر جاری کام کی رفتار تیز کی جائے ۔
انہوں نے این ایچ اے کو ہدایت کی کہ سیلابی ریلوں سے متاثرہ مقامات پر ہیوی مشینری کی بروقت دستیابی یقینی بنائی جائے ۔
چیف سیکرٹری نے کہا کہ گلگت بلتستان کے حکام کے ساتھ مکمل رابطہ رکھ کر فیسٹیول کا کامیاب انعقاد یقینی بنایا جائے ۔
