جوڈیشل کمیشن کے اجلاس کے خلاف وکلاء کی ہڑتال کے باعث وفاقی دارالحکومت میں سیکورٹی ہائی الرٹ جبکہ کئی اہم سڑکیں بند کردی گئیں۔
اسلام آباد ٹریفک پولیس کی جانب سے جاری ایڈوائزری میں کہا گیا ہے کہ شہر میں لا اینڈ آرڈر کی صورت میں ریڈ زون کے داخلی اور خارجی راستے بند ہوں گے۔ ٹریفک پولیس نے کہا کہ آج ریڈزون کے داخلی اور خارجی راستے سرینا، نادرا، میریٹ، ایکسپریس چوک اورٹی کراس بری امام صبح 6 بجے سے تاحکم ثانی عارضی طور پر بند ہوں گے۔
ٹریفک پولیس کی ایڈوائزری میں کہا گیا ہے کہ امن و امان کی صورتحال کے پیش نظر ریڈ زون کے داخلی اور خارجی راستے بند رہیں گے۔ پولیس کا کہنا ہے کہ عوام کسی بھی سفری دشواری سے بچنے کے لیے متبادل کے طور پر مارگلہ روڈ استعمال کریں۔
