بھارتی اداکار رونت بوس رائے نے اپنی بیوی کو خوش کرنے کے لیے ان سے 20 سال بعد دوبارہ شادی کرلی۔ بھارتی میڈیا کے مطابق اداکار نے اپنی اہلیہ نیلم سنگھ سے 2003 میں شادی کی تھی اور اب شادی کی بیسویں سالگرہ پر دونوں نے اپنا دل خوش کرنے کے لیے دوبارہ شادی کرلی۔ انہوں نے اپنی اہلیہ سے دوبارہ شادی کی تمام رسومات کی ویڈیوز بھی انسٹاگرام پر شیئر کیں، جس پر مداحوں اور اداکاروں نے انہیں اپنی ہی بیوی سے دوسری شادی رچانے پر انہیں مبارک باد پیش کی۔
اداکار نے میڈیا سے بات کرتے ہوئے خوشی کا اظہار کیا کہ انہوں نے اپنی بیوی کو دوبارہ شریک حیات بنایا۔ ان کا کہنا تھا کہ ان کے جوان بچوں نے ان کی دوبارہ شادی کی تو انہوں نے بھی ان کا مذاق اڑانا شروع کر دیا۔ اداکار کی بیٹی کی عمر 18 جب کہ بیٹے کی عمر 16 برس ہے اور انہوں نے اپنے والدین کو دوسری بار شادی کرتے ہوئے دیکھ کر خوشی محسوس کی جب کہ اداکار کی والدہ بھی اپنی ہی بہو کو نئی دلہن کی صورت میں دوسری بار دیکھ کر خوش ہوئیں۔
