رہنما مسلم لیگ ن رانا ثنا اللہ کا کہنا ہے کہ مستعفی کمشنر راولپنڈی لیاقت چٹھہ ذہنی دبا وکا شکار ہے۔سب سے پہلے لیاقت چٹھہ کو اسپتال میں داخل کرانا چاہیے۔
لیاقت چٹھہ کے ویڈیو بیان پر ردعمل دیتے ہوئے سابق وزیرداخلہ نے کہا کہ الیکشن کو متنازع کرنے کی کوشش کی جارہی ہے، بدقسمتی ہے کہ کمشنر راولپنڈی نے ایسی گفتگو کی۔راناثنااللہ نے کہا کہ جس آدمی نے خودکشی کی کوشش کی وہ ذہنی دباو کا شکارہے۔ اگر انہوں نے دھاندلی کرائی بھی تو اسکی سزا موت نہیں، پاکستان کا کوئی قانون ایسا نہیں جو چوک پر پھانسی کی اجازت دے۔
انہوں نے کہا کہ کمشنر نے کہا کہ اس نے خودکشی کی کوشش کی، وہ ذہنی دبا وکا شکار ہے۔رہنما ن لیگ نے کہا کہ حکومت نہ لینے کی وجہ یہ الزامات نہیں ہیں۔ ن لیگ میں مضبوط رائے پائی جاتی ہے ۔ہمیں حکومت نہیں بنانی چاہیے۔ ہمیں کسی صورت یہ مصیبت اپنے گلے نہیں لٹکانا چاہیے۔ سب کے ساتھ شامل ہوکر معاملے کو آگے بڑھانے کی کوشش کرنی چاہیے۔ نوازشریف نے اس پر اب تک کوئی فیصلہ نہیں کیا
