لاہور: مشیر وزیراعلیٰ پنجاب برائے اے آئی و خصوصی اقدامات علی ڈار اور وزیر زراعت پنجاب عاشق حسین کرمانی کی زیرصدارت اہم اجلاس ہوا۔
علی ڈار نے کہا کہ وزیراعلیٰ مریم نواز شریف کے وژن کے مطابق پنجاب میں اے آئی کا استعمال تمام شعبوں میں سبقت لے رہا ہے۔
انہوں نے کہا کہ آفس آف اے آئی ڈیلیوری یونٹ کا مقصد اے آئی وژن 2029 کو عملی اور قابلِ پیمائش نتائج میں تبدیل کرنا ہے۔
علی ڈار نے کہا کہ پنجاب ملک کا پہلا مکمل اے آئی این ایبلڈ صوبہ بننے کی جانب تیزی سے گامزن ہے۔
انہوں نے کہا کہ زراعت کے شعبے کو اے آئی سے ہم آہنگ کرنا پنجاب حکومت کی اولین ترجیح ہے۔
موجودہ زرعی ڈیٹا اور محکمہ زراعت کے نظام کو اے آئی سے مربوط کیا جائے گا۔
انہوں نے کہا کہ اے آئی کے ذریعے فصلوں کی منصوبہ بندی، پیداوار کے تخمینے اور موسمی پیش گوئیوں کو مزید مؤثر بنایا جائے گا۔
علی ڈار نے کہا کہ مٹی، پانی، موسم اور کیڑوں سے متعلق بروقت معلومات کسانوں تک پہنچانے کے لیے اے آئی سے مدد لی جائے گی۔
انہوں نے کہا کہ اے آئی کسانوں کو بروقت اور بہتر زرعی مشاورت فراہم کرنے میں اہم کردار ادا کرے گی۔
علی ڈار نے کہا کہ پنجاب حکومت مریم نواز شریف کے وژن کے تحت جدید ٹیکنالوجی کو کسان اور عام شہری کے فائدے سے منسلک کر رہی ہے۔
