اسلام آباد: وزیراعظم محمد شہباز شریف نے ہدایت کی ہے کہ عوامی خدمت کا ایجنڈہ مزید تیزی سے آگے بڑھایا جائے اور عوامی مسائل کے حل کو اولین ترجیح دی جائے۔
اسلام آباد میں امورِ کشمیر اور گلگت بلتستان کے وزیر امیر مقام سےگفتگو کرتے ہوئے وزیراعظم نے کہا کہ آزاد جموں و کشمیر اور گلگت بلتستان کی ترقی، خوشحالی اور عوامی فلاح کے لیے تمام وسائل بروئے کار لائے جائیں گے۔
وزیراعظم محمد شہباز شریف اور وفاقی وزیر امیر مقام کی ملاقات میں ملک کی مجموعی سیاسی صورتحال پر تفصیلی تبادلہ خیال ہوا۔
وفاقی وزیر برائے پبلک افیئرز یونٹ رانا مبشر اقبال، وزیر مملکت عبد الرحمٰن خان کانجو اور معاون خصوصی طلحہ برکی بھی ملاقات میں موجود تھے۔
