گلگت بلتستان: وزیراعظم شہبازشریف نے اپنے دورے کے دوران عطا آباد جھیل سے پن بجلی کےمنصوبے ، سکردومیں ہپروپن بجلی کےمنصوبے، علاقائی گرڈ کی تعمیر اور ریٹر واٹر سپلائی ہنزہ کےمنصوبے کا سنگ بنیاد بھی رکھا۔
وزیر اعظم محمد شہباز شریف کا گلگت بلتستان میں ترقیاتی منصوبوں کے سنگ بنیاد رکھنے کی تقریب سے خطاب کرتے ہوئے کہنا تھا کہ آج یہاں کے دورے کے دوران میری اپنے بہنوں اوربھائیوں سےملاقات ہوئی۔
زیر اعظم کا کہنا تھا کہ غذر کے علاقے میں 2022 میں قدرتی آفات سے پورا گاؤں تباہ ہو چکا تھا ، غذر کے دورے کے دوران گاؤں دیکھ کر سکتہ طاری ہو گیا ، میں نے اپنے دورے کے دوران تباہ حال مکانوں کی تعمیرات کے احکامات دیئے تھے آج مطمئن ہوں کہ پورے گاؤں میں گھر بن چکے ہیں ۔
ہبازشریف نے اعلان کرتے ہوئے کہا کہ غذر میں 10 کنال اراضی پر ماڈل ویلیج بنے گا جبکہ گلگت بلتسان میں 100 میگا واٹ شمسی توانائی کا منصوبہ لگے گا، منصوبے سے گلگت بلتستان میں بجلی کی دستیابی بہتر ہوگی۔
وزیراعظم کا مزید کہنا تھا کہ بلتستان اور قراقرم یونیورسٹی کے لیے پچاس، پچاس کروڑ روپے کے فنڈ مختص کیے ہیں جبکہ ٹیکنیکل یونیورسٹی کا بھی افتتاح کردیا، گلگت بلتستان میں سیاحت کے فروغ کیلئے امیر قطر سے بھی بات کی ہے ۔
وزیر اعظم نے مزید کہا کہ کئی منصوبے تکمیل کے مرحلے سے گزر رہے ہیں، ترقیاتی منصوبوں کا کریڈٹ میاں نوازشریف کوجاتا ہے، آج ہمیں مل کر عہد کرنا ہوگا کہ پاکستان کو عظیم تر بنائیں گے ۔
