ایف آئی اے امیگریشن اسلام آباد نے کارروائی کرتے ہوئے بھائی کے پاسپورٹ پر یورپ جانے کی کوشش ناکام بنادی ، مسافر کو مزید کارروائی اور ایجنٹ کی نشاندہی کے لیے اینٹی ہیومن ٹریفکنگ سرکل اسلام آباد منتقل کر دیا گیا ۔
اسلام آباد: ایف آئی اے امیگریشن نے اسلام آباد ائیرپورٹ پر بھائی کے پاسپورٹ پر یورپ جانے والے مسافر کو آف لوڈ کر دیا،مسافر کی شناخت محمد ارسلان کے نام سے ہوئی ۔
ایف آئی اے کے مطابق مسافر نے فلائٹ نمبر TK751 کے ذریعے اٹلی جانے کی کوشش کی، امیگریشن کلیرنس کے دوران مسافر کو مشکوک پایا گیا ۔
مسافر نے اٹلی جانے کے لئے اپنے بھائی محمد عمران کا پاسپورٹ اور ریذیڈنٹ کارڈ پیش کیا، مسافر کو بعد ازاں مزید کارروائی اور ایجنٹ کی نشاندہی کے لیے اینٹی ہیومن ٹریفکنگ سرکل اسلام آباد منتقل کر دیا گیا ۔
ایف آئی اے امیگریشن حکام نے شہریوں سے گزارش کی ہے کہ بیرون ملک سفر کے لئے ہمیشہ قانونی راستہ اختیار کریں، اپنی ذاتی دستاویزات بشمول پاسپورٹ غیر متعلقہ شخص کے حوالے نہ کریں ۔
