پاکستان تحریک انصاف (پی ٹی آئی) کی جانب سے راولپنڈی میں کل کے جلسے کیلئے دائر کی گئی درخواست کو واپس لے لیا گیا ہے۔
ذرائع کے مطابق پی ٹی آئی قیادت نے لاہور ہائی کورٹ راولپنڈی بنچ میں دائرکی گئی درخواست کو واپس لے لیا ہے،ذرائع کا کہنا ہے کہ پی ٹی آئی کے بانی عمران خان نے راولپنڈی جلسے کے لئے دائر کی گئی درخواست کو واپس لینے کی ہدایت کی تھی۔
واضح رہے کہ پی ٹی آئی نے ضلعی انتظامیہ کی طرف سے این او سی کو جاری نہ کرنے کے خلاف ہائیکورٹ میں درخواست دائر کی تھی، درخواست آج لاہور ہائیکورٹ راولپنڈی بنچ میں سماعت کے لئے مقرر کی گئی تھی۔
یاد رہے کہ گزشتہ روز بانی پی ٹی آئی کی جانب سے 28 ستمبر کو راولپنڈی میں ہونے والا جلسہ منسوخ کر دیا گیا تھا اور یہ کہا گہا تھا کہ ہمیں انتظامیہ اور عدالتوں نے جلسے کی اجازت نہیں دینی،اس لئے جلسے کے بجائے 28 ستمبر کو راولپنڈی میں احتجاج کیا جائے گا،اس لئے ہم لاہور ہائی کورٹ راولپنڈی بنچ سے درخواست واپس لے رہے ہیں۔
دوسری طرف راولپنڈی میں ممکنہ احتجاج کے معاملے پر پی ٹی آئی کے مقامی رہنماؤں کے گھر پر پولیس کی جانب سے چھاپے مارے جارہے ہیں۔
