وزارت ریلوے نے انکشاف کیا ہے کہ پاکستان ریلوے نے 25-2024 میں 2 ارب 41 کروڑ روپے منافع کمایا۔
قومی اسمبلی کے وقفہ سوالات کے دوران وزارت ریلوے نے تحریری جواب جمع کروایا۔
جواب میں بتایا کہ پاکستان ریلوے نے تاریخ میں پہلی بار مسلسل دوسرے سال منافع حاصل کیا۔
ریلوے کی آمدن 93 ارب 60کروڑ روپے جبکہ اخراجات 91 ارب 18 کروڑ روپے رہے۔
تحریری جواب میں بتایا گیا کہ 2 برس میں خسارہ ختم ہونے کے بعد پاکستان ریلوے اب منافع بخش ادارہ بن چکا ہے۔
متن میں بتایا گیا کہ ریلوے آمدن میں نمایاں اضافے سے مالی صورتحال بہتر ہونے لگی ہے۔
مسافر اور مال بردار ٹرینوں کی آمدن میں اضافے سے ریلوےکو فائدہ ہوا اور ریلوے کی مجموعی آمدن پہلی بار 93 ارب روپے سے تجاوز کر گئی۔
اب بھی ادارے کی مالی پوزیشن مزید مستحکم بنانے کیلئے اقدامات جاری ہیں۔
