اسلام آباد: وفاقی وزیر خزانہ سینیٹر محمد اورنگزیب سے آئی ایم ایف مشن کی سربراہ مس ایوا پیٹرووا نے ملاقات کی۔
ملقات میں پاکستان کے میکرو اکنامک آؤٹ لک، آئندہ وفاقی بجٹ کی تیاریوں اور معاشی استحکام و پائیدار ترقی کے فروغ کے لیے حکومت کے جاری اصلاحاتی ایجنڈے پر تبادلہ خیال کیا گیا۔
ملاقات میں معاشی اشاریوں کی بہتری، مالی نظم و ضبط اور جاری اصلاحاتی اقدامات کے تسلسل سے متعلق امور پر بھی گفتگو ہوئی۔
اس موقع پر گورنر سٹیٹ بینک آف پاکستان جمیل احمد، سیکرٹری خزانہ ڈویژن امداد اللہ بوسال، چیئرمین ایف بی آر راشد محمود لنگڑیال اور دیگر سینئر حکام بھی موجود تھے۔
