پاک نیوزلینڈ ٹی ٹوئنٹی سیریز۔قومی کرکٹ ٹیم کا اعلان پانچ اپریل تک متوقع۔پانچ ٹی20میچز پر مشتمل سیریز کا آغاز 18اپریل سے ہوگا، تین میچز پنڈی اور دو میچز لاہور میں شیڈول ہیں۔
ذرائع کے مطابق سلیکٹرز کی ٹیم کے ممکنہ کھلاڑیوں پر مشاورت ہوئی ہے۔ کپتان بابر اعظم سے بھی رائے لینے کے بعد نام منظوری کے لیے کرکٹ بورڈ کے سربراہ کو بھجوائے جائیں گے۔پی سی بی سربراہ محسن نقوی نے کاکول اکیڈمی کا دورہ کیا جہاں انہوں نے کپتان بابر اعظم سمیت قومی کرکٹرز سے ملاقات کی۔ سلیکٹرز نے پی سی بی چیئرمین کو کھلاڑیوں کی فٹنس پر رپورٹ دی۔ سلیکشن کمیٹی ارکان ان دنوں فٹنس کیمپ میں موجود ہیں اور وہ ہر سیشن میں کھلاڑیوں کی فٹنس کا جائزہ لے رہے ہیں۔ محسن نقوی نے سلیکٹرز کو ہدایت کی ہے کہ فٹنس پر کوئی سمجھوتہ نہیں ہوگا۔دوسری جانب، شاہین شاہ آفریدی کو نیوزی لینڈ کے خلاف سیریز میں آرام دیے جانے کا امکان ۔
ورک لوڈ کم کرنے کے لیے شاہین کو ابتدائی میچز میں ریسٹ دینے کی تجویز پر غور کیا گیا۔ شاہین شاہ آفریدی کے ساتھ سلیکٹرز نسیم شاہ کو بھی انجری اور ورک لوڈ سے بچانے کے لیے منتخب میچز میں کھلانے کے خواہشمند ہیں۔ماضی کے تجربے کے پیش نظر سلیکٹرز روٹیشن پالیسی لاگو کرنا چاہتے ہیں تاکہ دستیاب فاسٹ بولرز پر ورک لوڈ کم کیا جا سکے۔ ورلڈکپ کے پیش نظر فاسٹ بولرز کو انجری سے بچانا اہم ترجیح قرار دی گئی ہے۔ فاسٹ بولر محمد عامر اور آل راؤنڈر عماد وسیم کو میچ فٹنس کے لیے بھرپور موقع دیا جا سکتا ہے۔ نیوزی لینڈ کی ٹیم 14اپریل کو پاکستان پہنچے گی اور پانچ ٹی20میچز پر مشتمل سیریز کا آغاز 18اپریل سے ہوگا، تین میچز پنڈی اور دو میچز لاہور میں شیڈول ہی
