وزیراعظم آزاد کشمیر فیصل ممتاز راٹھور سے صدارتی مشیران اوورسیز چودھری دلپذیر، چودھری خادم حسین اور اسلم مغل نے ملاقات کی، اس موقع پر گفتگو کرتے ہوئے وزیراعظم آزادکشمیرنے کہا کہ اوورسیز کشمیری آزاد جموں و کشمیر کا قیمتی سرمایہ ہیں جو بیرون ملک رہتے ہوئے بھی ریاست کی ترقی، معیشت اور مسئلہ کشمیر کو اجاگر کرنے میں اہم کردار ادا کر رہے ہیں ۔
مظفرآباد: انہوں نے کہا کہ حکومت اوورسیز کشمیریوں کے مسائل کے حل، سہولیات کی فراہمی اور ان کے ساتھ مؤثر رابطے کے لیے عملی اقدامات کر رہی ہے تاکہ ان کا اعتماد مزید مضبوط ہو اور وہ ریاست کی تعمیر و ترقی میں بھرپور کردار ادا کر سکیں ۔
دریں اثنا وزیراعظم آزادکشمیرفیصل ممتاز راٹھور سے ایف پی سی سی آئی کے کنونئیر راجہ رؤف اور لیک شور (Lake Sure) کے سی ای او سید سعادت حسین شاہ نے ملاقات کی ۔
ملاقات میں انہوں نے وزیراعظم کو منصب سنبھالنے پر مبارکباد دی اور نیک تمناؤں کا اظہار کیا۔اس موقع پر گفتگو کرتے ہوئے وزیراعظم آزادکشمیر نے کہا کہ نجی شعبہ اور کاروباری برادری ریاست کی معاشی ترقی میں ریڑھ کی ہڈی کی حیثیت رکھتی ہے ۔
