خٰبر پختونخوا کے ضلع مانسہرہ کے علاقے شنکیاری سے تعلق رکھنے والے قومی کر کٹ ٹیم کے ماياناز سپن بولر ابرار احمد رشتہ ازدواج میں منسلک ہوگئے، ابرار احمد نے کراچی میں آمنہ رحیم سے نکاح کرليا ۔
ابرار احمد کی شادی کراچی میں آمنہ رحیم سے ہوئی اور دلہنیا لینے کے لیے آمد پر27 سالہ ابرار احمد کی بارات کا ڈھول کی تھاپ پرپرتپاک استقبال کیا گیا ۔
قومي ټيم کے سپنر ابرار احمد کا ولیمہ 6 اکتوبر کو ہوگا جس کے بعد وہ لاہور میں پاکستان ٹیم کے ٹیسٹ اسکواڈ کو جوائن کریں گے ۔
ابرار احمد نے پہلی مرتبہ 2017 میں پی ایس ایل میں کراچی کنگز کی نمائندگی کی جب کہ انہوں نے اپنا ٹیسٹ ڈیبیو 2022 میں انگلینڈ کے خلاف کیا تھا ۔
ابرار احمد کا تعلق خيبر پختونخوا کے ضلع مانسہرہ سے ہے اور وه کراچی میں رہائش پذیر ہیں، ابرار احمد پی ایس ایل میں کراچی کنگزاور اسلام آباد یونائیٹڈ کی نمائندگی کرچکے ہیں ۔
ابراراحمد 10 ٹیسٹ میں 46، 11 ون ڈے انٹر نیشنل میں 18 اور15 ٹی ٹوئنٹی انٹرنیشنل میچزمیں 21 وکٹیں حاصل کر چکے ہیں۔ ابرار احمد اب جنوبی افریقہ کے خلاف ہوم ٹیسٹ سیریز میں پاکستان کی امیدوں کا مرکز ہوں گے ۔
