اسلام آباد: وفاقی وزیر داخلہ محسن نقوی نے سیف سٹی ہیڈکوارٹرز کا دورہ کیا۔
وفاقی وزیر نے ایک خصوصی اجلاس کی صدارت کرتے ہوئے اسلام آباد سیف سٹی کو کیپٹل سمارٹ سٹی میں تبدیل کرنے کے منصوبے پر پیش رفت کا جائزہ لیا۔
وزیر داخلہ نے سیف سٹی ہیڈکوارٹرز میں جاری تزئین و آرائش اور اپگریڈیشن کے کام کا معائنہ بھی کیا۔
اس موقع پر انہیں فیوژن سینٹر اور جدید کنٹرول روم کے قیام سے متعلق پیش رفت پر بریفنگ دی گئی۔
محسن نقوی نے ہدایت کی کہ کنٹرول روم کو جدید تقاضوں اور نئی ٹیکنالوجی سے ہم آہنگ بنایا جائے۔
انہوں نے سیف سٹی فیز ٹو منصوبے کو مقررہ مدت میں مکمل کرنے کی بھی ہدایت کی۔
وزیر داخلہ کا کہنا تھا کہ سیف سٹی منصوبے کے تحت تمام متعلقہ اداروں کو ایک پلیٹ فارم پر لایا جائے گا۔
یہ منصوبہ اسلام آباد کے شہریوں کو محفوظ اور پُرسکون ماحول فراہم کرنے میں اہم سنگ میل ثابت ہوگا۔
