اسرائیلی فوج کے 6 اہلکار لبنان کی مزاحمتی تنظیم حزب اللہ کے ساتھ جھڑپ میں مارے گئے ہیں۔
عوالمی میڈیا کے مطابق جھڑپ اس وقت ہوئی جب برّی کارروائیوں کو وسعت دینے کے لیے اسرائیلی فوجی اپنی سرحد سے ایک لبنانی دیہات میں داخل ہوگئے اور چاروں اطراف سے حزب اللہ نے ان کو گھیر لیا۔
اسرائیلی فوج کے مطابق اہلکار جنوبی لبنان کے ایک دیہات میں کارروائی کرتے کرتے ایک عمارت میں داخل ہوگئے جہاں حزب اللہ کے چار جنگجو چھپے ہوئے تھے۔ فائرنگ کے تبادلے میں 6 اہلکار مارے گئے۔ ان اہلکاروں کی عمریں 19 سے 22 سال کے درمیان ہیں ان سب کا تعلق گولانی بریگیڈ کی 51 ویں بٹالین سے تھا۔
یاد رہے کہ رواں برس ستمبر سے جنوبی لبنان میں شروع ہونے والے برّی فوج کے آپریشن کے دوران اسرائیلی فوج کا اب تک ایک دن میں ہونا والا یہ دوسرا بڑا جانی نقصان یے۔
