کرم میں جاری فسادات سے متعلق ہونے والے گرینڈ جرگے میں فریقین کے مابین امن معاہدہ طے پا گیا۔
کوہاٹ میں ہونے والے جرگے میں فریقین نے امن معاہدے پر دستخط کردئیے۔ معاہدے کے تحت دونوں فریقین بھاری سلحہ حکومت کو دیں گے۔ کمشنر کوہاٹ آفس آج جرگے کے حتمی فیصلے کا اعلان کرے گا۔
اس پہلے جرگہ ممبران کی تعداد پورے نہ ہونے کی بنا پر گزشتہ روز معاہدے پردستخط نہیں ہوسکے تھے۔ دونوں فریقین معاہدے کے متعدد نکات پر متفق ہیں۔ گزشتہ روز کوہاٹ فورٹ میں ہونے والے جرگے میں مختلف نکات پر بات چیت ہوئی۔ جرگے کی سربراہی کمشنر کوہاٹ معتصم باآللہ کر رہے ہیں۔ انتظامیہ کا کہنا تھا کہ جب تک بھاری اسلحہ موجود ہے تب تک روڈ کھولنا بڑا رسک ہے۔ تاہم ضلع بھر میں ہیلی کاپٹرسروس جاری ہے۔ ہیلی کاپٹر کے ذریعے ادویات اور دیگر سامان ضلع کُرم پہنچایا جا رہا ہے۔
