اسلام آباد کی مسجد سے چپل کو چوری کرنا معمول بن گیا جس پر شہریوں نے تنگ آکر 6 ماہ سے مسجد سے چپل چوری کرنے والے شخص کو پکڑنے کا فیصلہ کیا۔
ذرائع کے مطابق اسلام آباد کی بلیو ایریا مسجد میں چپل چوری کی واردات میں اضافے ہونے لگا۔جس کے بعد 2 شہریوں نے چور کو گھات لگاکر پکڑنے کا ارادہ کیا۔ذرائع کے مطابق دونوں نوجوانوں نے مسجد میں جماعت کے کھڑے ہوجانے کے بعد ہر آنے جانے والے پر نظر رکھنا شروع کر دیا،کچھ دیر بعد ایک نوجوان مسجد کے اندار داخل ہوا اور اس نے شاپر نکال کر تمام نمازیوں کی چپلوں کو شاپر میں ڈالنا شروع کردیا جس کے بعد گھات لگائے دونوں نوجوانوں نے چور کو پکڑ کر پولیس کے حوالے کردیا۔
نوجوانوں کے مطابق تقریبا گزشتہ 6 ماہ کے دوران جمعہ کی نماز سمیت اجتماعات کے دوران بھی نمازیوں کے جوتے چوری ہوتے رہے۔ملزم نے پولیس کے مطابق اسلام آباد کی بلیو ایریا مسجد سمیت دیگر سیکٹرز کی مساجد سے بھی جوتوں کو چرایا۔ دوسری طرف ملزم کا کہنا ہے کہ وہ مسجد سے نمازیوں کے اچھے جوتعں کو چوری کرکے بیچ دیتا ہے۔
