تہران: آبنائے ہرمز کی بحالی سے متعلق ایران اور عمان کے درمیان جاری مذاکرات میں اہم پیش رفت سامنے آئی ہے۔
ایران نے تصدیق کی ہے کہ تجارتی جہازوں کی آمدورفت کے لیے مجوزہ بحری راستے کے جغرافیائی نکات پر عمان کے ساتھ اتفاق ہو گیا ہے۔
ایرانی وزارتِ خارجہ کے ترجمان اسماعیل بقائی نے کہا کہ عمان کے ساتھ مذاکرات مثبت انداز میں آگے بڑھ رہے ہیں۔
انہوں نے بتایا کہ دونوں ممالک اس وقت ایک مشترکہ اعلامیہ جاری کرنے کی تیاری کر رہے ہیں۔
اسماعیل بقائی نے کہا کہ اگر کسی تیسرے فریق نے مداخلت کی تو مجوزہ معاہدہ متاثر بھی ہو سکتا ہے۔
ایران اور عمان کے درمیان ہونے والی یہ پیش رفت علاقائی اور عالمی سطح پر خاص اہمیت کی حامل قرار دی جا رہی ہے۔
