اسلام آباد: وزیراعظم محمد شہباز شریف آج سے 8 اگست تک سعودی عرب کا دورہ کریں گے.
دورہ کے دوران ان کی سعودی ولی عہد شہزادہ محمد بن سلمان سے ملاقات ہوگی۔
وزیراعظم کے ہمراہ نائب وزیر اعظم اسحاق ڈار، فیلڈ مارشل عاصم منیر اور دیگر ارکان ہوں گے۔
ترجمان دفتر خارجہ کے مطابق ملاقات میں دوطرفہ تعلقات، باہمی دلچسپی کے امور اور تعاون کے مختلف شعبوں پر تبادلہ خیال کیا جائے گا۔
طاہر حسین اندرابی نے بتایا کہ نائب وزیراعظم و وزیر خارجہ اسحاق ڈار کا ایرانی وزیر خارجہ عباس عراقچی سے ٹیلیفونک رابطہ ہوا ہے۔
آزاد کشمیر انتخابات سے متعلق بھارتی وزارت خارجہ کے بیانات کو مسترد کیا۔
ترجمان نے کہا کہ آزاد کشمیر میں شفاف انتخابات ہو رہے ہیں اور بھارت کو ایسے بیانات کا کوئی اخلاقی جواز نہیں۔
ترجمان دفتر خارجہ نے کہا کہ بھارت غلط معلومات پھیلا کر مقبوضہ کشمیر میں مظالم سے توجہ نہیں ہٹا سکتا۔
بنگلہ دیش کے معاملات پر انہوں نے کہا کہ شیخ حسینہ واجد سے متعلق معاملہ بنگلہ دیش کا داخلی مسئلہ ہے۔
ترجمان دفتر خارجہ نے کہا کہ پاکستان کسی ملک کے اندرونی معاملات میں مداخلت نہیں کرتا۔
