واشنگٹن: معروف امریکی ادارے پیو ریسرچ سینٹر میں انکشاف کیا گیا ہے کہ بھارت عالمی سطح پر ناپسندیدہ ممالک میں سر فہرست ہے۔
امریکہ میں 50 فیصد عوام نے بھارت کے خلاف منفی جذبات کا اظہار کیا ہے۔
پیوسروے کے مطابق بھارتی مقبولیت 2008 کے بعد کم ترین سطح پر آ گئی ہے۔
ہندو قوم پرستی اور زہریلے آن لائن کلچر کے باعث بھارت کا بین الاقوامی امیج شدید متاثر ہوا ہے۔
اقوام عالم میں صرف 45 فیصد افراد بھارت کے بارے میں مثبت رائے رکھتے ہیں۔
سروے میں تصدیق کی گئی ہے کہ دو دہائیوں میں بھارتی مقبولیت میں 30 فیصد کمی آچکی ہے۔
امریکہ کے 56 فیصد نوجوان بھارت کے شدید مخالف ہیں۔پیو ریسرچ سینٹر کاعالمی سطح پر سیاسی حقائق اور اعداد و شمار کی تحقیق کے سب سے زیادہ معتبر اداروں میں شمار ہوتا ہے۔
وال سٹریٹ جرنل نے بھی رپورٹ کیا ہے کہ امیج خراب ہونے سے امریکی خارجہ پالیسی اور دو طرفہ تعلقات سخت متاثر ہونے کا خدشہ ہے۔
جنوبی ایشیا کی جیو پولیٹکس پر بھارتی امیج کی تنزلی کے گہرے اثرات مرتب ہوں گے۔
امریکی عوام کا بھارتی وزیراعظم نریندر مودی پر سے اعتماد 5 سال میں آدھا رہ گیا۔
مسلمانوں اور مسیحیوں پر مظالم کے باعث امریکی سیاسی دھڑے بھی بھارت کے خلاف ہو گئے ہیں۔
ہندو قوم پرستی اور تنقید نگاروں پر حملوں نے عالمی سطح پر بھارت کا اصلی چہرہ بے نقاب کر دیا۔
رپورٹ میں بتایا گیا ہے کہ بھارتی ٹرول آرمی کے زہریلے آن لائن رویوں اور گالی گلوچ نے ملک کا امیج تباہ کر دیا۔
بدترین انفراسٹرکچر اور ناقص شہری منصوبہ بندی نے بھارت کے نام نہاد شائننگ امیج کا جنازہ نکال دیا۔
پیو ریسرچ سینٹر عالمی سطح پر عوامی رائے، سیاسی رجحانات اور سماجی معاملات پر تحقیق کرنے والے معروف تحقیقی اداروں میں شمار ہوتا ہے۔
