بھارت میں مفت میں گول گپے نہ دینے پر ٹھیلے والے کو قتل کردیا گیا۔
بھارتی میڈیا کے مطابق یہ واقعہ کان پور کے علاقے چکری میں پیش آیا جہاں 40 سالہ پریم چندرا گول گپے کا ٹھیلہ لگاتا تھا، رات کو گھر واپسی کے وقت علاقے کے کچھ غنڈوں نے پریم چندرا سے مفت میں گول گپے مانگے۔ پریم کے انکار کرنے پر غنڈے طیش میں آگئے اور اسے بری طرح پیٹا۔ علاقہ مکینوں نے اسے غنڈوں سے بچا کر اسپتال منتقل کیا لیکن ڈاکٹرز نے اس کو مردہ قرار دے دیا۔ واضح رہے کہ واردات میں ملوث افراد کے خلاف مقدمہ درج کرلیا گیا ہے۔
