ٹی وی کی مشہور اداکارہ سعدیہ امام نے انکشاف کیا ہے کہ ان کی شادی کا جوڑا بوتیک میں تیار ی کے وقت جل گیا تھاـ
ایک نجی ٹی وی کے مارننگ شو میں گفتگو کرتے ہوئے اداکارہ سعدیہ امام نے بتایا کہ میں بوتیک کا کام کرتی تھی۔ میرے شادی کے جوڑے پر کام ہورہا تھا ـ ابھی وہ مکمل نہیں ہوا کہ اس دوران شاٹ سرکٹ ہو گیا اور پورا کارخانہ جل گیاـ جس میں میرا شادی کا جوڑا بھی جل گیا۔
اداکارہ نے اپنے شادی کے جوڑے کےجلنے پر دکھ کا اظہار کیا ـ اور کہا کہ مجھے اپنے شادی کے جوڑے کے جلنے کا اس لیے دکھ ہے کہ وہ میری امی کے پسندیدہ رنگ کا تھا۔ میں نے اپنی ایک کسٹمر کو ویسا ہی جوڑا بنا کردیا تھا ـ جو اس نے اپنی شادی پر پہننا تھا۔ میں نے کسٹمر سے جوڑے کی تصویر مانگی تو اس نے فراخدلی سے مجھے پیشکش کی کہ آپ میرا جوڑا پہن لیں ـ میری شادی کی تاریخ آپ کے بعد کی ہے۔ میں نے اس کسٹمر کا بہت شکریہ ادا کیا۔
سعدیہ امام کا مزید کہنا تھا کہ میں نے اپنی شادی پر اس لڑکی کا جوڑا پہنا تھا اور بعد میں پھر ویسا ہی نیا جوڑا اسے بنوا کردیا تھا۔
