رستم میں سوات ایکسپریس وے پر مسافربس اور وین میں خوفناک ٹریفک حادثے کے نتیجے میں 17 افراد جاں بحق اور 7 زخمی ہو گئے ۔
رستم: سوات ایکسپریس وے پر سعید آباد خورو کوٹھے پُل کے قریب وین خراب کھڑی مسافربس کے پیچھے سے جا ٹکرائی ۔
حادثے کے نتیجے میں 17 افراد جاں بحق اور 7 زخمی ہوگئے، ابتدائی اطلاعات کے مطابق حادثہ وین ڈرائیور کی غفلت کے باعث پیش آیا۔
موٹروے پولیس کے مطابق ابتدائی طور پر معلوم ہوا کہ وین سائیڈ پر پارک بس کے پیچھے آکر ٹکرائی ہے ۔
ریسکیو ذرائع کے مطابق تمام لاشوں اور زخمیوں کو مردان میڈیکل کمپلیکس منتقل کردیا گیا ہے، مسافر بس کراچی سے بونیر جا رہی تھی اور خرابی کے باعث موٹروے پر کھڑی تھی کہ راولپنڈی سے دیر جا نے والی وین پیچھے ٹکرا گئی ۔
