ہزارے وال اوورسیز پاکستانیز فورم اور تناول ہزارہ ویلفئیر ایسوسی ایشن کی جانب سے ہزارہ کا کلچر اجاگر کرنے کے لئے ہزارہ کلچر ڈے کا اہتمام کیا گیا ۔دیار غیر میں مقیم ہزارے وال کمیونٹی نے شرکت کی۔
ایچ او پی ایف کی جانب سے ہزارہ کے کلچر کو اجاگر کرنے کے کیلئے پروقار تقریب کا اہتمام کیا گیا۔ جس میں ہزاروال کمیونٹی نے شرکت کی اس موقع پر تقریب سے خطاب کرتے ہوئے فورم عہدے دران اور ہزارہ کی سرکردہ شخصیات اشفاق قریشی،چوہدری دلپذیر،بشیرخان سواتی ،عارف تنولی سمیت دیگر نے ہزارہ کے کلچر کو اجاگر کرنے پر روشنی ڈالی اور ہزارہ کے حقوق نہ ملنے پر سیاسی نمائندوں کو شدید تنقید کا نشانہ بنایا کہ ہزارہ میں ٹورزم پولیس اور دیگر اداروں میں مقامی نوجوانوں کو نظر انداز کر کے باہر سے لوگوں کو بھرتی کیا جا رہا ہے جو ہمارے نمائندوں کی نااہلی ہے ۔
ان کا مزید کہنا تھا کہ آنے والے الیکشن میں ووٹ صرف انکو دیں جو ہزارہ کے حقوق کا تحفظ کر سکیں اور اسمبلیوں میں جا کر صوبہ ہزارہ کا مطالبہ منوا سکیں ۔تقریب میں ہزارہ کا روایتی ڈانس گھمبیر اور میوزک نے تقریب کو چار چاند لگا دئیے ۔تقریب میں شرکانے ہزارہ کے روایتی لباس زیب تن کر رکھے تھے ۔ تقریب کے آرگنائزر میں شامل عاطف تنولی،راجہ دانش،امتیاز قریشی،اور اعظم اعوان نے شرکا کا شکریہ ادا کیا
