ضلع ہری پور میں کچے مکان کی چھت گرنے کے باعث نوجوان جان کی بازی ہار گیا ہے۔
ذرائع کے مطابق کچے کے مکان کی چھت گرنے کا واقعہ ہری پور کی تحصیل خانپور کے نواحی علاقے سوہاوہ میں پیش آیا۔حالیہ بارشوں کی وجہ سے مکان کی چھت خستہ حال ہوگئی تھی،مکان کی چھت گرنے کے باعث شیر دل نامی نوجوان ملبے تلے دب گیا جس سے وہ جان کی بازی ہار گیا۔ہری پور میں مقامی افراد نے ملبے تلے دبے نوجوان کی لاش کو نکالا جبکہ اس کے برعکس دوسری جانب ریسکیو 1122 کی ٹیم اطلاع کے باوجود بھی موقع پر نہ پہنچ سکی۔
