کمشنر ہزارہ ڈویژن فیاض علی شاہ کی زیرِ صدارت آج تمام اضلاع کے ڈپٹی کمشنرز کے ساتھ بذریعہ ویڈیو لنک اہم اجلاس منعقد ہوا، اجلاس میں کمشنر ہزارہ نے تمام ڈپٹی کمشنرز کو ہدایت جاری کی کہ وہ کرایوں کے حوالے سے اسسٹنٹ کمشنرز اور تحصیلداروں کے ذریعے فوری اسسمنٹ کروائیں اور اس بات کا جائزہ لیں کہ ریجنل ٹرانسپورٹ اتھارٹی ایبٹ آباد کی جانب سے جاری کردہ کرایہ ناموں اور عملی طور پر وصول کیے جانے والے کرایوں میں کتنا فرق ہے، اس فرق کی مکمل رپورٹ مرتب کر کے کمشنر آفس ارسال کرنے کی ہدایت دی گئی ۔
کمشنر ہزارہ نے ہدایت کی کہ تمام ڈپٹی کمشنرز پیٹرول پمپس کا دورہ کر کے فیول کی دستیابی اور اس کی موجودہ مقدار کا جائزہ لیں اور عوام سے حالیہ قیمتوں میں اضافے کے اثرات سے متعلق فیڈبیک بھی حاصل کریں ۔
اجلاس کے دوران حالیہ بارشوں کے پیشِ نظر کمشنر ہزارہ نے تمام فیلڈ افسران کو ہدایت کی کہ کسی بھی نقصان یا حادثے کی صورت میں فوری طور پر کمشنر آفس کو رپورٹ کیا جائے ۔
انہوں نے تمام متعلقہ محکموں کو متحرک اور الرٹ رہنے کی تاکید کرتے ہوئے کہا کہ کسی بھی غیر متوقع صورتحال سے بروقت نمٹنے کے لیے پیشگی اقدامات کو یقینی بنایا جائے ۔
