پرتگال کےفٹبالر کرسٹیانو رونالڈو نے سوشل میڈیا پر ایک اور ریکارڈ قائم کر دیا ـ انہوں نے ایک ارب فالوورز کے ساتھ نئی تاریخ رقم کر دی ہے ـ
غیر ملکی خبر رساں ادارے کی رپورٹ کے مطابق ، عالمی شہرت یافتہ پرتگالی سٹار کرسٹیانو رونالڈو ایک کے بعد ایک ریکارڈ قائم کررہے ہیں ، حال ہی میں یوٹیوب کی جانب سے کرسٹیانو رونالڈو کو صرف چند گھنٹوں میں لاکھوں سبسکرائب حاصل کرنے پر سلور، گولڈن اور ڈائمنڈ بٹن سے نوازا گیا تھا۔
کرسٹیانو رونالڈو نے اسی پر بس نہیں کی بلکہ ایک اور منفرد ریکارڈ بنالیا ہے ، کرسٹیانو رونالڈو نے سماجی رابطے کی ویب سائٹ ایکس پر ایک تفصیلی پوسٹ شیئر کی ہے جس میں انہوں نے اپنے ایک ارب فالوورز کے ساتھ تاریخ رقم کرنے کی خبر شیئر کر دی ہے، ان کا کہنا تھا کہ یہ صرف نمبرز نہیں بلکہ اس کھیل کے ساتھ ہماری والہانہ محبت، جذبہ اور عہد ہے۔
کرسٹیانو رونالڈو نے کہا کہ میڈریڈ کی گلیوں سے دنیا کے سب سے بڑے سٹیج تک میں اپنے خاندان اور چاہنے والوں کے لیے کھیلا اور اب ہم ایک ارب ساتھ کھڑے ہیں۔
