گلگت بلتستان تعلیم کے میدان میں پورے ملک پر بازی لے گیا ہے۔ یہ بات پلاننگ کمیشن آف پاکستان میں شروع کی گئی ادارہ تعلیم و تربیت کے سالانہ اسٹیٹس آف ایجوکیشن رپورٹ (ASER) 2023 کے قومی (دیہی) سروے میں سامنے آئی۔
حالیہ عرصے میں مشکلات کے باوجود گلگت بلتستان نے تعلیم کے میدان نمایاں پیش رفت کا مظاہرہ کیا۔گلگت بلتستان میں گریڈ 5 کے طلباء نے اردو اور انگریزی میں قومی اوسط کو پیچھے چھوڑ دیا، اردو کی اہلیت 2021 میں 52فیصد سے بڑھ کر 2023 میں 60فیصد ہو گئی اور اسی عرصے کے دوران انگریزی کی مہارت 60فیصدسے بڑھ کر 66فیصدہو گئی۔اس کے برعکس، قومی سطح پر اردو کی مہارت 54فیصد سے کم ہو کر 50فیصد اور انگریزی کی مہارت 56فیصد سے کم ہو کر 54فیصد رہ گئی۔مزید برآں، گلگت بلتستان نے 94فیصد اندراج کی شاندار شرح حاصل کی، جو کہ آزاد کشمیرکے بعد پورے ملک میں سب سے زیادہ ہے۔
