پی ایم اے صدر ڈاکٹر آصف کی زیر صدارت پی ایم اے اور وائی ڈی اے گلگت بلتستان کا مشترکہ ہنگامی اجلاس منعقد ہوا۔
اجلاس میں بی ایم اے کے صوبائی عہدیداران اور وائی ڈی اے کے صدر بہادر شاہ سمیت دیگر عہدیداران نے شرکت کی۔ اجلاس میں حکومت کو 2 ہفتے کی ڈیڈلائن دیتے ہوئے کہنا تھا کہ 2 ہفتے کے اندر مطالبات منظور نہ ہوئے تو پورے گلگت بلتستان میں علامتی ہڑتال شروع کر دی جائے گی۔
مطالبات کے مطابق تمام کیڈرز کے سروس سٹریکچر کی درستگی جس میں ایم اوز اور ڈینٹل آفیسرز کی پرو موشن میں لیول ون والی شرط کو ختم کر کے پہلے سے رائج سٹریکچر کو من وعن لاگو کیا جائے، 18 سے 20 گریڈ تک عرصہ دراز سے پینڈنگ ڈی بی سی کر دی جائے جی ڈی ایم اوز اور ڈینٹل آفیسرز کا 2023 میں سٹریکچر ریوائس پر عمل درآمد کیا جائے، ہیلتھ پروفیشنل الاﺅنس کو فریز کیا گیا ہے اس کو دوسرے ڈیپارٹمنٹ کی طرح دوبارہ رننگ بیسک پر ڈی فریز کر کے دیا جائے۔ اینستھیزیا اسپیشلسٹ اور ایمر جنسی ڈیوٹی ڈاکٹروں کو ایمر جنسی الاﺅنس دیا جائے۔ تمام کنٹریکٹ ڈاکٹروں کو ریگولر کیا جائے اور ڈینٹل ڈائریکٹوریٹ کو الگ کیا جائے۔
