انورا کمارا ڈسانائیکے نے سری لنکا کے نئے صدر کی حثیت سے حلف اٹھالیا، انورا کمارا کا تعلق نیشنل پیپلز پاور اتحاد سے ہے۔
انورا کمارا ڈسانائیکے نے گذشتہ روز ہونے والے انتخابات میں کامیابی حاصل کی تھی، 55 سالہ انورا کمارا نے اپوزیشن رہنما ساجیت پریماداسا کو شکست دی تھی۔
انہوں نے اپنی کامیابی پر کہا کہ ترقی اور استحکام کے ہمارے خواب نئی شروعات سے پورے ہوں گے۔
دوسری طرف سری لنکا کے وزیرِ اعظم دنیش گناواردینا نے اپنے عہدے سے استعفیٰ دے دیا، وزیرِ اعظم دنیش گناواردینا نے سماجی رابطے کی ویب سائٹ ایکس پر مستعفی ہونے کا اعلان کیا ہے۔
یاد رہے کہ 2022ء کے معاشی دیوالیے کے بعد سری لنکا میں پہلے صدارتی انتخابات ہوئے ہیں جن میں کوئی امیدوار بھی 50 فیصد ووٹ حاصل نہیں کر سکا۔
