گلیات کے سیاحتی علاقے ایوبیہ کے نواحی مقام ملکوٹ کے قریب ایک افسوسناک کار حادثہ پیش آیا، جس کے نتیجے میں تین خواتین جاں بحق جبکہ تین افراد زخمی ہو گئے۔
اطلاعات کے مطابق حادثہ گاڑی کے بریک فیل ہونے کے باعث پیش آیا۔ جاں بحق ہونے والوں میں 25 سالہ حبیبہ بی بی، 50 سالہ نسیم بی بی اور 50 سالہ فہیمہ بی بی شامل ہیں۔
زخمیوں میں 5 سالہ مروا، 36 سالہ عدنان اور 26 سالہ وقار النساء شامل ہیں۔ تمام جاں بحق اور زخمی افراد کا تعلق ایوبیہ کے نواحی دیہات ریالہ اور ملکوٹ سے بتایا جاتا ہے۔
Rescue 1122 کی ٹیموں نے موقع پر پہنچ کر زخمیوں کو ابتدائی طبی امداد فراہم کی اور بعد ازاں انہیں قریبی اسپتال منتقل کر دیا۔
