تورغر کی واحد صوبائی اسمبلی کی نشست سے آزاد حیثیت سے منتخب ہونے والے عوامی نیشنل پارٹی (اے این پی) کے رہنما لائق محمد خان سواتی نے پاکستان تحریک انصاف (پی ٹی آئی) میں شمولیت اختیار کر لی ہے۔
انہوں نے منگل کو اوگھی میں صحافیوں کو بتایا کہ "میں نے 2018 میں اے این پی کے ٹکٹ پر یہی نشست جیتنے کے بعد اس دور افتادہ ضلع میں بڑے ترقیاتی منصوبے شروع کیے تھے۔ اور میں اس بار بھی علاقے کی خدمت کے لیے اپنا مشن جاری رکھوں گا،”
سابق قانون ساز نے سابق گورنر شاہ فرمان اور صوبائی اسمبلی کے سابق اسپیکر مشتاق احمد غنی کی موجودگی میں نامزد وزیر اعلیٰ علی امین گنڈا پور سے ملاقات کی اور پی ٹی آئی کے بانی چیئرمین عمران خان اور ان کی پارٹی سے وفاداری کا عزم کیا۔
