مظفرآباد میں عید کی نماز کا اہتمام کیا گیا، وزیراعظم آزاد کشمیر فیصل ممتاز راٹھور نے نماز عید کے اجتماع سے خطاب کیا جہاں مقبوضہ کشمیر میں ہونے والے مظالم کیخلاف شدید مذمت کی گئی علاوہ ازیں فلسطین اور ایران کے مسلمانوں کیلئے بھی دعا کی گئی ۔
مظفرآباد: وزیراعظم آزاد کشمیر فیصل ممتاز راٹھور کے ہمراہ جاوید ایوب ، میئر میونسپل کارپوریشن سکندر گیلانی، سابق وزیراعظم فاروق حیدر خان سمیت دیگر نے بھی مرکزی عید گاہ میں نماز عید ادا کی ۔
نماز عید کے بعد وزیراعظم آزادکشمیر نے مقبوضہ جموں و کشمیر کے عوام سے اظہار یکجہتی کیلئے نکالی گئی ریلی کی قیادت کی ۔
وزیر اعظم آزاد کشمیر فیصل ممتاز نے اجتماع سے خطاب کرتے ہوئے کہا آج بھی سری نگر کی جامع مسجد کو عید کے موقع پر بند رکھا گیا ہے، آج کے دن ملکی سلامتی اور کشمیر کی آزادی کیلئے قربانیاں پیش کرنے والے شہدا کو خراج عقیدت پیش کرتے ہیں، مخلوق خدا کی خدمت کیلئے جدوجہد جاری رہے گی ۔
وزیر اعظم آزاد کشمیر فیصل ممتاز راتھور نے کہا کہ جو وقت ملا ہے مخلوق خدا کیلئے کوشش کریں گے مزید آ سانیاں پیدا کر کے جائیں ۔
ریلی حکومت آزادکشمیر اور کل جماعتی حریت کانفرنس کی جانب سے نکالی گئی تھی تاہم نماز عید کے بعد وزیراعظم بھی شہریوں میں گھل مل گئے، انہوں نے مقبوضہ جموں وکشمیر کے عوام کو سلام پیش کیا ۔
وزیراعظم آزاد کشمیر نے عید سرحدوں پر مامور افواج پاکستان کے جوانوں کو بھی خراج تحسین پیش کی اور مقبوضہ کشمیر میں رمضان المبارک میں عبادات میں بھارتی مداخلت کیخلاف دارالحکومت میں احتجاجی مظاہرہ بھی کیا گیا ۔
