ڈی ایس پی آفتاب احمد اسلام آباد میں سپیشل ڈیوٹی کے دوران انتقال کرگئے، ترجمان اسلام آباد پولیس نے تصدیق کرتے ہوئے بتایا کہ آفتاب احمد ڈی ایس پی ہیڈکوارٹرز ٹوبہ ٹیک سنگھ تعینات تھے اور پمز میں دوران علاج انتقال کر گئے ۔
اسلام آباد: ترجمان وفاقی پولیس کے مطابق آفتاب احمد کو دوران ڈیوٹی دل کی تکلیف کے باعث پمز ہسپتال منتقل کیا گیا، پمز ہسپتال میں دوران علاج ڈی ایس پی آفتاب احمد انتقال کرگئے ۔
پولیس ترجمان کا کہنا ہے کہ آفتاب احمد ڈی ایس پی ہیڈکوارٹرز ٹوبہ ٹیک سنگھ تعینات تھے تاہم سپیشل ڈیوٹی پر اسلام آباد آئے ہوئے تھے ۔
آفتاب احمد کی میت ان کے گاؤں رجانہ کے نواحی چک نمبر26 بھجوائی جائے گی ۔
