ڈی آئی جی ہزارہ ناصر محمود ستی نے یوم شہداء پولیس کے موقع پر یادگار شہداء پولیس ایبٹ آباد پر حاضری اور سلامی دی اور پھولوں کا گلدستہ پیش کیا ۔
ایبٹ آباد: شہداء پولیس کے ایصال ثواب و بلند درجات کیلئے فاتحہ خوانی کی۔ اس موقع پر ڈی پی او عمر طفیل و دیگر پولیس افسران نے بھی شرکت کی ۔
ڈی آئی جی ہزارہ ناصر محمود ستی نے اس موقع پر بات چیت کرتے ہوئے کہا کہ4 اگست یوم شہداء پولیس ملک و قوم کے ان بہادر سپوتوں کی یاد میں منایا جاتا ہے ۔
انہوں نے کہا کہ پولیس شہدا نے جرأت و بہادری سے دہشتگردوں و جرائم پیشہ گروہوں کا مقابلہ کرتے ہوئے شہادت کا بلند درجہ پر فائز ہوئے ۔
ناصر محمود ستی کا کہنا تھا کہ شہداء پولیس ہمارا فخر ہے اور یہ ہمیشہ پولیس فورس کا حصہ رہیں گے، خیبرپختونخوا پولیس اپنے شہداء کے اہل خانہ کی کفالت و دیگر ضروریات کی فراہمی کو یقینی بنانے کیلئے ہر ممکنہ عملی اقدامات اٹھا رہی ہے اور یہ اقدامات اولین ترجیحات میں شامل ہیں ۔
ڈی آئی جی ہزارہ کا کہنا تھا کہ خیبرپختونخوا پولیس کے افسران و جوان ملک دشمن عناصر، دہشتگردوں اور جرائم پیشہ افراد کے خلاف سیسہ پلائی دیوار بن کر کھڑے رہیں گے اور انکے خاتمے تک اپنی جدوجہد جاری رکھیں گے ۔
