بٹگرام کے ڈی ایچ کیو ہسپتال میں ڈیوٹی پر موجود پولیس اہلکار فائرنگ سے شہید ہوگیا، شہید اہلکار کی شناخت کانسٹیبل نیاز علی کے نام سے ہوئی ۔
بٹگرام: کانسٹیبل نیاز محمد شاہ ولد نور حبیب شاہ ڈی ایچ کیو ہسپتال بٹگرام کے مرکزی گیٹ پر اپنی معمول کی ڈیوٹی سرانجام دے رہے تھے کہ علی الصبح تقریباً ساڑھے پانچ بجے نامعلوم افراد نے اچانک فائرنگ کر دی ۔
فائرنگ کے نتیجے میں کانسٹیبل نیاز محمد شاہ شدید زخمی ہوگئے، زخمی اہلکار کو فوری طور پر ڈی ایچ کیو ہسپتال بٹگرام منتقل کیا گیا، جہاں ابتدائی طبی امداد فراہم کی گئی تاہم حالت تشویشناک ہونے پر انہیں مزید بہتر علاج کے لیے ایوب میڈیکل کمپلیکس ایبٹ آباد روانہ کیا گیا ۔
زخمی اہلکار راستے ہی میں زخموں کی تاب نہ لاتے ہوئے شہادت کے درجے پر فائز ہوگئے، واقعے کے بعد نامعلوم حملہ آور موقع سے فرار ہوگئے ۔
پولیس نے علاقے کو گھیرے میں لے کر سرچ آپریشن شروع کر دیا ہے جبکہ مقدمہ درج ہونے کے بعد ملزمان کی تلاش جاری ہے،تاحال وجہ قتل معلوم نہیں ہوسکی ۔
