بٹگرام ميں تھانہ سٹی پولیس نے اہم کارروائی کرتے ہوئے موٹرسائیکل چور گینگ کا سرغنہ منظم رکن سمیت گرفتار کرلیا ۔
بٹگرام: ڈسٹرکٹ پولیس آفیسر قمر حیات خان کی ہدایات پر تھانہ سٹی پولیس نے کامیاب کارروائی کرتے ہوئے موٹرسائیکل چور گینگ کے سرغنہ اور اس کے منظم رکن کو گرفتار کر لیا ۔
ایس ایچ او سٹی فرید خان نے پولیس ٹیم کے ہمراہ کارروائی کرتے ہوئے ملزم سرغنہ رومیو اور اس کے ساتھی امجد سکنہ کنڈر بٹگرام کو حراست میں لیا ۔
پولیس کے مطابق ملزمان کے قبضہ سے مالِ مسروقہ بھی برآمد کر لیا گیا ہے جبکہ مزید تفتیش جاری ہے اور دیگر ساتھیوں کی گرفتاری کے لیے چھاپے مارے جا رہے ہیں ۔
ڈی پی او بٹگرام نے کامیاب کارروائی پر پولیس ٹیم کو شاباش دیتے ہوئے جرائم پیشہ عناصر کے خلاف کارروائیاں مزید تیز کرنے کی ہدایت کی ۔
