سلہٹ ٹیسٹ میں بھی بنگلہ دیش کی پوزیشن مضبوط ہو گئی، میزبان ٹیم نے دوسرے ٹیسٹ میچ میں پاکستان کو جیت کیلئے 437 رنز کا ہدف دیدیا، تیسرے روز کے اختتام تک قومی ٹیم نے بغیر کسی نقصان کوئی رن نہیں بنایا ۔
سلہٹ ٹیسٹ کے تیسرے روز بنگلا دیش ٹیم دوسری اننگز میں پاکستان کے خلاف بیٹنگ کرتے ہوئے 390 رنز بناکر آؤٹ ہوگئی اور پاکستان کو جیت کےلیے 437 رنز کا ہدف دیدیا ۔
بنگلا دیش کی طرف سے مشفق الرحیم نے سب سے زیادہ 137، لتن داس 69 جبکہ محمود الحسن 52 ، مومن الحق 30 اور تیج الاسلام 22 رنزبناکر نمایاں بلے باز رہے ۔
پاکستان کی جانب سے خرم شہزاد نے 4، ساجد خان نے 3، حسن علی نے 2 اور محمد عباس نے ایک کھلاڑی کو آوٹ کیا ۔
میچ کے پہلے روز بنگلادیش کی ٹیم اپنی پہلی اننگز میں 278 رنز بناکر آل آؤٹ ہوگئی تھی، پاکستان نے پہلی اننگز میں 232 رنز بنائے تھے اور میزبان ٹیم کو پہلی اننگز میں 46 رنز کی برتری بھی حاصل ہو گئی تھی ۔
یاد رہے واضح رہے کہ 2 ٹیسٹ میچز کی سیریز میں بنگلا دیش کو ایک صفر سے برتری حاصل ہے، بنگلادیش نے پہلے ٹیسٹ میچ میں پاکستان کو 104 رنز سے شکست دے کر دو میچز کی سیریز میں ایک صفر کی برتری حاصل کی تھی ۔
