بنگلادیش نے پہلے ون ڈے میچ میں پاکستان کو 8 وکٹوں سے شکست دیکر سیریز میں ایک صفر کی برتری حاصل کرلی، پاکستان کا115 رنز کا ہدف میزبان ٹیم نے 16ویں اوور میں 2 وکٹوں کے نقصان پر حاصل کرکرے کامیابی حاصل کی ۔
ڈھاکہ: پاکستان نے پہلے بیٹنگ کی اور 31 ویں اوور میں پوری ٹیم 114 رنز بنار آوٹ ہو گئی ،پاکستان کی جانب سے صاحبزادہ فرحان 27 رنز بنا کر آؤٹ ہو گئے جب کہ شمائل حسین بھی صرف 4 رنز ہی بنا سکے، معاذ صداقت بھی اپنے کیرئیر کے پہلے میچ میں 18 رنز کے مہمان ثابت ہوئے ۔
پاکستان کی طرف سے فہیم اشرف 37 رنز بناکر نمایاں رہے جب کہ محمد رضوان 10، سلمان آغا 5، حسین طلعت 4، عبدالصمد 0، شاہین آفریدی 4 اور محمد وسیم 0 تک محدود رہے جب کہ ابرار احمد 0 پر ناٹ آؤٹ رہے ۔
بنگلادیشی بولرز نے پاکستانی بیٹنگ لائن کی کمر توڑ دی اور پوری ٹیم کو 30.1 اوورز میں 114 رنز پر چلتا کردیا جو کہ پاکستان ٹیم کا بنگلادیش کےخلاف ون ڈے میں کم ترین سکور ہے ۔
بنگلادیش کے ناہید رانا کے ون ڈےکیرئیر کی بہترین بولنگ کرتے ہوئے 24رنز کے عوض 5وکٹیں حاصل کیں جبکہ مہدی حسن میراز نے 29رن کے عوض 3 وکٹیں حاصل کیں ۔
بنگلادیش نے 115 رنز کا ہدف 16 ویں اوور میں 2 وکٹوں کے قنصان پر پورا کیا ، نجم الحسین شانتو نے 27 رنز بنائے جبکہ تنزید حسن نے 67 رن کی ناقابل شکست اننگز کھیلی ۔
پاکستان کی جانب سے شاہین آفریدی اور محمد وسیم نے ایک ایک وکٹ حاصل کی ، شاندار بولنگ پر ناہید رانا کو میچ کا بہترین کھلاڑی قرار دیا گیا ۔
