پاکستانی فوج نے ایئر ایمبولینس ریسکیو مشن میں ایک ڈوزر آپریٹر کو بچا لیا جو ایک واقعے کے دوران شدید زخمی ہو گیا تھا۔
محکمہ تعمیرات عامہ کے ڈوزر آپریٹر الطاف مغل اپر نیلم ویلی روڈ پر شیخ بیلہ کے مقام پر سلائیڈ کلیئرنس آپریشن کر رہے تھے۔ کلیئرنس آپریشن کے دوران ایک درخت ان کے ڈوزر پر گرا۔ جس کے نتیجے میں ڈوزر سڑک پر سے کنٹرول کھو کر سینکڑوں فٹ دریائے نیلم میں جا گرا۔الطاف مغل کو پورے جسم پر متعدد چوٹیں آئیں اور ان کی ہڈیاں بھی کئی جگہ سے ٹوٹ گئیں۔ الطاف مغل کو فوری طور پر ریسکیو کر کے کیل میں قائم آرمی فیلڈ ہسپتال لے جایا گیا جہاں انہیں ابتدائی طبی امداد دی گئی۔
