بالی ووڈ فلم انڈسٹری کی معروف اداکارہ ارچنا پورن سنگھ ساس کی موت کی اطلاع ملنے پر بھی شو میں بیٹھ کر قہقہے لگاتی رہی۔
بالی ووڈ فلم انڈسٹری کی اداکارہ ارچنا پورن سنگھ اپنے قہقہوں کی وجہ سے مشہور ہیں، اسی وجہ سے وہ کپل شرما شو کا بھی حصہ ہیں جہاں وہ مستقل مہمان کی حیثیت سے ہر بات پر قہقہہ لگاتی ہیں اور یہ ہی ان کا کام ہے ـ
غیر ملکی خبر رساں ادارے کےمطابق، اداکارہ ارچنا پورن سنگھ نے اپنے ایک انٹرویو میں بتایا کہ بظاہر دیکھنے میں میرا کام بہت آسان لگتا ہے کہ ایک جگہ آ کر بیٹھ جاؤ اور ہر بات پر بس ہنستے جاؤ۔لیکن ایسا بلکل بھی نہیں ہے ـمزید انہوں نے اس بارے میں بات کرتے ہوئے کہا کہ شو کے دوران ایک وقت ایسا بھی تھا کہ مجھے ساس کی موت کی اطلاع ملی لیکن مجھے شو کی شوٹنگ کے لیے سیٹ پر بیٹھ کر قہقہے لگانا تھا ـ
ان کا کہنا تھا کہ ایک شو کی قسط کی شوٹنگ تقریباً مکمل ہو چکی تھی اور اچانک ساس کی موت کی اطلاع موصول ہوئی، یہ جانتے ہوئے کہ مجھے ایپی سوڈ مکمل کرنی ہے میں نے فوراً جانے کا کہا لیکن شو کی ٹیم نے مجھے کہا کہ آپ صرف بیٹھ کر ہنسیں، ہم اسے سین کے مطابق ایڈیٹ کر لیں گے۔
ارچنا پورن سنگھ نے کہا کہ اب آپ خود سوچیں کہ میرے ذہن پر کیا گزر رہی ہو گی، میری ساس وفات پا چکی تھیں، ایسے میں مجھے کیسے ہنسی آ سکتی تھی؟ اس وقت میں کس طرح ہنسی مجھے نہیں معلوم۔
اداکارہ نے مزید کہا کہ اس انڈسٹری میں 30-40 سال ہو چکے ہیں اور آپ جانتے ہیں کہ پروڈیوسر کا پیسہ داؤ پر لگا ہوا ہے، آپ کام کو ادھورا نہیں چھوڑ سکتے۔
