راولپنڈی ميں مبینہ پولیس مقابلہ ہوا ہے جس میں ڈکیت گینگ کے 4 ڈاکو ہلاک ہو گئے، پولیس کے مطابق ہلاک ڈاکو راولپنڈی، پشاور اسلام آباد میں قتل، ڈکیتی اور کار چھیننے کے متعدد مقدمات میں ریکارڈ یافتہ اور مطلوب تھے ۔
راولپنڈی پولیس حکام کے مطابق کار چھیننے کی اطلاع ملنے پر پولیس نے مشکوک گاڑیوں کو روکا تو ملزمان نے پولیس پر فائرنگ کردی جس پر پولیس کی جوابی کارروائی میں چاروں ڈاکو ہلاک ہوگئے ۔
پولیس حکام نے بتایا کہ ڈکیت گینگ کے زیر استعمال گاڑی بھی اسلام آباد سے گن پوائنٹ پر چھینی گئی تھی، ہلاک ڈاکو راولپنڈی، پشاور اسلام آباد میں قتل، ڈکیتی اور کار چھیننے کے متعدد مقدمات میں ریکارڈ یافتہ اور مطلوب تھے ۔
ترجمان راولپنڈی پولیس نے مزید بتایا کہ ہلاک ڈکیت گینگ پر چند روز قبل صدر بیرونی کے علاقے میں ایک تاجر کے قتل کا الزام بھی تھا ۔
