افغانستان کو دو صفر سے شکست دے کر پاکستان نے چار ملکی ڈائمنڈ جوبلی فٹبال ٹورنامنٹ کی ٹرافی اپنے نام کرلی، پورے ٹورنامنٹ میں قومی ٹیم کے خلاف کوئی بھی ٹیم گول نہ کرسکی ۔
مالدیپ میں کھیلےگئے میچ کے 24 ویں منٹ میں پاکستان کے شائق دوست نے ایک شاندار کک کے ذریعے گول کرکے پاکستان کو برتری دلائی، اس گول نے دنیا بھر میں پاکستانی شائقین کے دل بھی جیت لیے ۔
میچ کے آخری لمحات میں ہارون حامد نے ایک اور فیصلہ کن گول سکور کرکے پاکستان کی فتح کو یقینی بنا دیا اور اسکور 0-2 کر دیا ۔
پاکستان کی اس کامیابی کی سب سے بڑی خاص بات یہ رہی کہ پورے ٹورنامنٹ میں قومی ٹیم کے خلاف ایک بھی گول اسکور نہ ہو سکا جو ٹیم کے مضبوط دفاع کی علامت ہے ۔
یہ فتح پاکستان فٹبال کی تاریخ میں ایک سنگ میل کی حیثیت رکھتی ہے،کیونکہ یہ قومی ٹیم کا پہلا باقاعدہ بین الاقوامی ٹورنامنٹ ٹائٹل ہے ۔
