باجوڑ میں افغانستان کی جانب سے افغان طالبان کے پاکستان پر مارٹر گولے سے حملے میں 4 شہری شہید ہوگئے، عینی شاہدین کے مطابق شہید ہونے والے چاروں بھائی تھے ۔
وفاقی وزیر اطلاعات عطا تارڑ کے مطابق آج دوپہر3بجکر30منٹ پرافغان طالبان نے سرحد پار سے توپ خانے اورمارٹر فائرنگ کے ذریعے ضلع باجوڑکےعلاقے سالارزئی،تبستہ لیٹئی میں شہری آبادی کو دانستہ نشانہ بنایاگیا ۔
انہوں نے بتایاکہ ایک گھرمارٹرگولے کی زد میں آیاجس کے نتیجے میں 4معصوم شہری شہید اور 5 سال کابچہ شدید زخمی ہوا، شہید ہونے والے چاروں افراد ساجد، ایاز، ریاض اور معاذ بھائی تھے جو آپس میں بھائی تھے ۔
عطا تارڑ کا کہنا تھاکہ مقامی افراد نے افغان طالبان رجیم کے دہشتگردانہ اقدام کی شدید مذمت کی اور غم وغصےکا اظہارکیا ۔
انہوں نے مزید کہا کہ افغان طالبان رجیم معصوم شہریوں کوجان بوجھ کرنشانہ بنا رہے ہیں، افغان طالبان فتنہ الخوارج جیسی دہشتگرد تنظیموں کیساتھ ملکر کارروائیاں کررہےہیں، ایسے حملے بین الاقوامی قوانین اوربنیادی انسانی اقدارکی سنگین خلاف ورزی ہیں۔
