ڈیجیٹل میگزین کے ساتھ انٹرویو کرتے ہوئے اداکارہ ماہ نور حیدر نے شیئر کیا کہ کالج مکمل کرنے کے فوراً بعد بہت کم عمری میں میری شادی ہو گئی، لیکن انھوں نے اپنے شوہر سے کچھ سال پہلے علیحدگی اختیار کر لی۔
بیٹیاں ڈراما کی اسٹار کا کہنا تھا کہ "میں نے کالج ختم ہونے کے بعد 21 سال کی عمر میں شادی کر لی لیکن چار سال پہلے 2020 میں اپنے شوہر سے علیدگی اختیار کر لی ” ۔ خاندان کی مضبوط حمایت کے باوجود طلاق سے متعلق مشکلات کے بارے میں بات کرتے ہوئے ماہ نور حیدر نے کہا کہ "یقیناً، میں ایک انسان ہوں، میں یہ نہیں کہہ سکتی کہ اس کا مجھ پر کوئی اثر نہیں ہوا، طلاق ہر انسان کو کسی نہ کسی طرح متاثر کرتی ہے۔ لیکن میں کام میں اتنا مگن تھی، میں نے اولاد کیا، پھر اس کے فوراً بعد، میں نے عشق ہے ڈرامہ کیا اور اداکاری ہی میرا واحد کام نہیں ہے۔ تاہم، میں نے اتنا کام کیا کہ مجھے سوچنے کا وقت نہیں ملا ”
مشہور اداکارہ کا کہنا تھا کہ ایسا ہرگز نہیں ہوتا ہے کہ رشتے ختم ہونے میں کسی شخص کی غلطی ہوتی ہے، بلکہ بعض اوقات ایسا ہوتا ہے کہ دو بالکل اچھے لوگ ایک دوسرے کے ساتھ نہیں رہ سکتے۔
