عید الاضحیٰ کے موقع پر عوام کیلئے خوشخبری، ذرائع کے مطابق وفاقی حکومت نے پٹرولیم مصنوعات کی قیمتوں میں کمی کا اعلان کر دیا ۔
اسلام آباد: ذرائع نے بتایا کہ حکومت کی جانب سے پٹرول اور ڈیزل کی قیمتوں میں کمی کردی گئی، اس حوالے سے وزارت پٹرولیم نے تصدیق بھی کردی ہے،جس کے بعد پٹرول کی قیمت میں 6 روپے اور ڈیزل کی قیمت میں 6 روپے 80 پیسے فی لٹر کمی کر دی گئی ہے ۔
ذرائع وزارت پٹرولیم کے مطابق عالمی منڈی میں تیل قیمتوں میں اضافے کے باوجود پاکستان میں کمی کی گئی ہے،پٹرولیم مصنوعات کی نئی قیمتوں کا اطلاق رات 12 بجے کے بعد ہوگا، پٹرول اور ڈیزل کی قیمتوں میں کمی کا نوٹیفکیشن کچھ دیر بعد کیا جائے گا ۔
واضح رہے کہ گزشتہ جمعے کو بھی حکومت نے پٹرول اور ڈیزل کی قیمت میں 5 روپے فی لٹر کمی کی تھی، کمی کے بعد پٹرول کی فی لٹر قیمت 402 روپے فی لٹر مقرر ہو گئی ہے ۔
