مہنگائی کے ستائے ہوئے عوام کیلئے بڑی خبر سامنے آگئی،پٹرولیم مصنوعات کی قیمتوں میں بڑی کمی کا امکان ظاہر کردیا گیا ہے۔
ذرائع کے مطابق پٹرولیم مصنوعات کی قیمتوں میں 12 روپے فی لٹر تک کمی کا امکان ظاہر کیا گیا ہے، اب تک کی ورکنگ کے مطابق پٹرول، ڈیزل اور مٹی کا تیل سستا ہونے کا امکان ہے۔ذرائع کے مطابق ڈیزل کی فی لٹر قیمت میں ساڑھے 8 روپے تک کمی کی جاسکتی ہے جبکہ اس کے ساتھ ہی پٹرول کی قیمت میں 9 روپے فی لٹر سے زائد کی کمی ہو سکتی ہے،جبکہ مٹی کے تیل کی قیمتوں میں بھی 12 روپے تک سے زائد کی کمی کا امکان ظاہر کیا گیا ہے۔ذرائع کے مطابق اوگرا پٹرولیم مصنوعات کی قیمتوں سے متعلق حتمی سمری 15 اگست کو بھیجے گا، وزیرخزانہ اور اس کے ساتھ ہی وزیر اعظم کی مشاورت سے ہی نئی قیمتوں کا اعلان کیا جائے گا۔
